خوبصورتی وبال جان بن گئی
تائپے (نیوز ڈیسک) قازقستان کی پیاری صورت والی 18 سالہ لڑکی سبینا گھر سے نکلی تو والی بال کھیلنے تھی لیکن شائقین نے اسے اور ہی نظر سے دیکھنا شروع کردیا اور اب وہ ایک عام کھلاڑی کی بجائے کروڑوں دلوں کو گرمانے والی حسینہ بن چکی ہے۔ سبینا جب تائیوان میں منعقد ہونے والے اییشین انڈر 19 والی بال کپ میں شرکت کیلئے دارالحکومت تائپے پہنچی تو لوگوں کی نظریں اس پر مرکوز ہوکررہ گئیں اس کے حسن نے شائقین پر جادو کردیا ہے اور اب ٹورنامنٹ کے سارے میچ اور سارے کھلاڑی پس منظر میں چلے گئے ہیں اور لوگ صرف اسے دیکھنے کیلئے میدان میں آتے ہیں اور صرف اسے دیکھنے کیلئے ہی ٹی وی کے سامنے بیٹھتے ہیں۔ کسی کو اس بات سے کوئی غرض نہیں کہ کون جیت رہا ہے اور کون ہاررہا ہے کیونکہ سب کی نظریں سبین کی دلکش صورت اور نازک اداﺅں پر رہتی ہے۔ وہ اس وقت چین، ویت نام، تائیوان، جاپان، جنوبی کوریا، ملائیشیاءاور فلپائن کے کروڑوں مردوں کی آنکھ کا تارا بن چکی ہے۔ سبینا کی مقبولیت کی یہ صورتحال ہے کہ اس کے ساتھی کھلاڑی لڑکیاں شکوہ کرنے پر مجور ہوگئی ہیں کہ کھیل کے میدان میں ہر نظر سبینا پر ٹکی رہتی ہے اور اس کے کوچ کا کہنا ہے کہ ان حالات میں کام کرنا مشکل ہورہا ہے کیونکہ ہر کوئی سبینا کے حسن کا دیوانہ ہوگیا ہے جبکہ اصل کام یعنی کھیل کہیں گم ہو کررہ گیا ہے۔ اس نوعمر حسینہ کھلاڑی کے فیس بک اور ٹویٹر پر بھی کروڑوں پرستار ہیں اور ابھی تو اس کی مقبولیت کا آغاز ہورہا ہے، آگے دیکھئیے ہوتا ہے کیا۔
